Traballo cantigas

-Tempo: un mes (data límite de entrega 10 de marzo)

- Fonte a utilizar:
para buscar as cantigas accededes a
http://www.bvg.udc.es/ficha_autor.jsp?id=Tro&alias=Trobadores&solapa=obras
ou polo camiño longo...
www.bvg.udc.es> obras dispoñíbeis para lectura> títulos de poesía>  trobadores> obras

- Que hai que facer:
 localizar tres (3) exemplos de cantigas de amor e outras tantas de amigo adscribíbeis a cada un dos subtipos estudados. É dicir, tres de amigo auto-louvanza, tres de lamento pola ausencia do amigo, etc e o mesmo coas de amor (tres de eloxio da dama, tres de declaración do amor do poeta...)
Os exemplos poden ser cantigas enteiras, estrofas ou incluso secuencias de versos (dous, tres, catro). En calquera caso, hai que explicar que é o que entendedes que vos fai escollela como exemplos desa temática.

- Exemplo:
 Muit'atendí eu ben da mia senhor
e ela nunca ben me quis fazer
e eu non tenho i al se non morrer
de Sancho Sánchez aparece a reserva da dama porque di nunca ben me quis fazer (nunca me quixo facer caso) é dicir, non acepta o galanteo. Tamén aparece a coita de amor, porque di non tenho i al se non morrer (só me queda morrer), o amor imposible fai que desexe a morte.