Elementos do texto audiovisual II: Os planos

  Tipos de plano de acordo co seu encadre:

  Plano Xeral: Son imaxes nas que se tenta capturar a maior parte da escena posible. Normalmente adóitanse facer co máximo angular que nos permita o obxectivo.

  Plano Figura: No plano figura o suxeito ocupa todo o encadre da foto, da cabeza ata os pés, tamén chamado «plano enteiro».

  Plano Americano: escolleriamos as zonas da cabeza á parte superior do xeonllo.

  Plano medio: Nunha figura humana o corte situaríase máis ou menos sobre a cintura.  

  Primeiro plano: o rostro enteiro dun personaxe.

 

  Primerísimo Primeiro Plano: o plano ocupa desde o queixo ou  mentón aproximadamente ata a metade da fronte ou un pouco por encima dela.

  Plano detalle: non se centra no suxeito completo, se non nun elemento que suxeite, un complemento, un só ollo, beizos, etc.

  TIPOS DE PLANOS SEGUNDO A SÚA ANGULACIÓN

  A  angulación é a inclinación desde a que se representa ou debuxa a realidade.  

  Frontal: A cámara ou os ollos do espectador sitúanse á altura da cabeza dos personaxes.

 Picado. A cámara sitúase por encima do obxecto ou do personaxe, de maneira que este vese desde arriba.

 

  Contrapicado. A cámara sitúase por baixo do obxecto ou do personaxe. O eixo óptico da suposta cámara apunta cara arriba.

 

  Cenital: a cámara sitúase completamente por encima do personaxe, nun ángulo tamén perpendicular.

  

 

  Nadir: a cámara sitúase completamente por baixo do personaxe, nun ángulo perpendicular ao chan.

 

  Plano holandés:  a cámara está lixeiramente inclinada, polo regular a un ángulo de 45 graos. 

  Plano dorsal: Colle a un personaxe de costas.

  Plano  Escorzo: é un dos planos máis utilizados no cinema para as conversacións de dúas persoas. Na escena aparecería a persoa que escoita de costas e a que fala de fronte co rostro á vista, coa cámara colocada a uns 45º do suxeito.

   

  Actividade: Sinala o tipo de plano: pincha aquí

  Actividade: Sinala o tipo de plano no comezo de 21st Century  Boys:

  Actividade: Vemos o comezo de The Walking Dead:

  

  Sinala todos os planos que hai nesta secuencia. 

  Pregunta: Qué información nos chega en cada plano? Atopas algún patrón?

    Actividade de amplicación: Crea un cómic ou o story board dunha curtametraxe. Xustifica por que empregas cada plano.